Embassy of The Federal Democratic Republic of Ethiopa
in the Republic of South Africa






  • 1
  • 2
  • 3
  • 4
  • 5

Prisonበተለያዩ ምክንያቶች ወደ ማረሚያ ቤት እንዲገቡ የተደረጉ ኢትዮጵያዊያንን አስመልክቶ አስቀድሞ በተሰበሰበው መረጃ መሰረት በደቡብ አፍሪካ የኢ.ፌ.ዲ.ሪ ልዩ መልዕክተኛ እና ባለሙሉ ስልጣን አምባሳደር ዶ/ር ሽፈራው ተክለማሪያም እና የሚሲዮኑ ዲፕሎማቶች እ.ኤ.አ ኤፕሪል 24 ቀን 2019 በሃውቴን ፕሮቪንስ ሞደርቢ ማረሚያ ቤት ጉብኝት ያደረጉ ሲሆን ከተፈረደባቸውና በፍርድ ሂደት ላይ ከሚገኙ ሰባት ኢትዮጵያዊያን ዜጎች ጋር ውይይት አድርገዋል፡፡ በውይይቱም ዜጎቹ ስለተከሰሱባቸው ጉዳዮች፣ ስለፍርድ አሰጣጥ ሂደቱ፣ እየተደረገላቸው ስለሚገኘው አያያዝ እንዲሁም ከኤምባሲው ስለሚፈልጉት ድጋፍ ሃሳባቸውን አቅርበው ሰፊ ምክክር ተደርጓል፡፡ አምባሳደር ዶ/ር ሽፈራው ተክለማሪያም በበኩላቸው የኢትዮጵያ መንግስት ከመቼውም ጊዜ በላይ በሀገር ውስጥም ሆነ በውጭ የሚኖሩ ዜጎችን መብትና ጥቅም ለማስጠበቅ ከፍተኛ ጥረት እያደረገ እንደሆነና በደቡብ አፍሪካ የኢትዮጵያ ኤምባሲም ለዜጎች ቅድሚያ ሰጥቶ እየሰራ እንደሆነ የተናገሩ ሲሆን፣ በህግ ጥላ ስር ለሚገኙ ዜጎች አስፈላጊውን ድጋፍ፣ ክትትልና ትብብር ለማድረግ ኤምባሲው ዝግጁ እንደሆነ ገልጸዋል፡፡ በቀጣይም ቋሚ የጉብኝት ፕሮግራም በማዘጋጀት ለመገናኘት እንዲሁም አንዳንድ ጉዳዮቻቸውን ከማረሚያ ቤቱ አስተዳደር እና ከህግ አስፈጻሚ አካላት ጋር በመወያየት ትኩረት እንዲሰጠው ለማድረግ ከመግባባት ላይ ተደርሷል፡፡